Mi Minscheland (BEMERKUNG ZU MINSCHELAND)

Ob ich dich jän han? Wat soll die Froch?
Ich han Frau, Pänz un Fründe. Dat es meer jenoch.
Du bes nit ming Leevste. Du bes minge Alldach.
Du kanns mich jo ens froge, ob ich dich maach.

Verihrer hattste allt vill ze vill.
Die Beste häste jemordet un verjaach en et Exil.
Ob ich dich jän han? Wie Heinemann schlau,
sag ich dir: Ich bütz nor ming Frau.

Ob ich dich jän han? Jetz wellste et ävver wesse.
Fahne, Dräum un Levve häste verschlesse.
Du weiß doch: Sing Herkunff sök mer sich nit us.
Ob ich stolz drop ben? Wat soll dä Stuß?

Ich ben he jebore. Du wees mich nit loß,
och wenn du widder vereint bes un irjendwie jroß.
Ding Röck sin su wick. Di Becke es su breit.
Du dräs Zukunff em Schuß - un Verjangeheit.

Wat Heimatland?! Wat Vatterland?!

Ich nenne dich mi: Minscheland.

Wat he all passeet es, kann ich nit verjesse.
Die Dütsch-Vatterlands-Jlatze fing ich jlatt bedresse.
Die maache dir Schand, dun neu dich verdrecke.
Dütschland, die solle am Aasch dich lecke.

Du jehös keinem - denn du jehös uns all.
Mer kumme us Instanbul, Kölle un Kall.
Mer welle he levve, jlöcklich un frei.
Dütschland: Saach, beste dobei?

Wat Heimatland?! Wat Vatterland?!

Ich nenne dich mi: Minscheland.

BEMERKUNG ZU MINSCHELAND

Februar 2000
Ó rollybrings2000

Diese Seite ist Bestandteil von coelle.de